di great insohreckshan. een eighty wan doun inna di ghetto af brixtan dat di babylan dem cause such a frickshan dat it bring about a great insohreckshan an it spread all owevah di naeshan it woz truly an histarical occayshan it woz event af di year an i wish i ad been dere wen wi run riat all owevah brixtan wen wi mash—up plenty police van wen we mash—up di wicked wan plan wen we mash—up di swamp eighty wan fi wha? fi mek di rulah dem andastan dat wi naw tek noh more a dem oppreshan and wen mi check out di ghetto grape vine fi fine out all i coulda fine evry rebeljusa revel in dem story dem a taak bout di powah an di glory dem a taak bout di burnin an di lootin dem a taak bout di smashin an di grabin dem a tell me bout di vanquish an di victri dem seh babylan dem went too far soh wha wi ad woz fi bun two cyar an wan an two innocent get mar but wha noh soh it goh sometime inna war ein star noh soh it goh sometime inna war? dem seh wi bun dung di george wi coulda bun di lanlaad we bun dung di george wi nevah bu